ASMAKIZUNEN ERANTZUNAK

1.Asmakizuna: Herria

2.Asmakizuna: Txistua

3.Asmakizuna: Perretxikoa

4.Asmakizuna: Txalaparta

5.Asmakizuna: Zezena

6.Asmakizuna: Pianoa edo eskusoinua

7.Asmakizuna: Euritakoa edo aterkia.

7.ASMAKIZUNA

Ateri bada, makulu;
euria bada, aterpe.
Zer ote?

6.ASMAKIZUNA

Pasilo luze batean
marra zuri beltzak,
hamar hatz saltoka
musika eginez dantzan.

5. ASMAKIZUNA

Adar pareak
larruan kolpea
atera du jendea
hankak astintzera.

4.ASMAKIZUNA

Ttakun-ttakun,
ttaka-ttaka,
ttuku-ttun;
lehenengo soinu,
gero oihartzun.
Pentsa eta erantzun!

3.ASMAKIZUNA

Azpian azpiko,
ez nauzu erraz ikusiko;
eta begiz jotzen banauzu
txapela eta hanka besterik
ez didazu ikusiko.

2. ASMAKIZUNA

Ezpeleko hiru
zulodun tutua,
tutuari dario
txoriaren kantua.

1. ASMAKIZUNA

Ez baldin bada harria
ez baldin bada irria
ez baldin dada orria
eta ez baldin bada urria
falta den hitza asmatzea
ez al da errazegia?

ASMAKIZUN LEHIAKETA

Euskararen Astean murgilduta gaude eta burutazio bat izan dugu. Gaur hasita eta datorren osteguna arte asmakizun bat jarriko dizuegu egunero gura blogean. Ez dira errazak izango eta ondo astindu beharko dituzue neuronak erantzuna topatu nahian. Hona hemen arauak:
1. Zazpi asmakizun izango dira, gaur lehena eta datorren ostegunean azkena.
2. Erantzuna iruzkinetan jarri beharko duzue, izena idatziz.
3. Iruzkin hauek ez ditugu publikatuko azken egunera arte, bestela erantzunak agerian egongo lirateke eta.
4. Asmakizun guztiek nolabaiteko lotura dute aurtengo Euskararen Asteko gaiarekin, hau da, Arabako jaiak.
5. Irabazlea asmakizun gehien asmatu duena izango da. Berdinketa izatekotan zozketa publikoa egingo da ikastolan, sari bakar bat egongo baita 6.mailako gela bakoitzean.
6. Irabazleen izenak datorren ostiralean, otsailak 20, jakiaraziko dira hemen, gure blogean.
7. Saria SORPRESA izango da.

Animo eta denok parte hartzera!

SALTO ETA BRINKO EUSKERAZ BETI TINKO

ASMAKIZUNEN ERANTZUNA

1. Asmakizuna: 4 minutu

2. Asmakizuna: June, Uxue, Quintin, Kevin, Ivete, Ben, Fitz, Net, Benedite...

3. Asmakizuna: Hartzak zuria izan behar du, bide hori egin ahal izateko Ipar Poloan soilik egon baitaiteke.
Berez, bi aukera daude ibilbide hori bete ahal izateko:
• Zehatz mehats Ipar Poloan kokatuta egonik, edozein norabide hegoalderantz da. Gero, ekialdera paralelo batetik mugitzen bada, Ipar Polotik beti distantzia berdinera egongo da. Iparrerantz igoz gero, zirkuitua itxi egiten da.
• Hego Polotik 10 km-tara baina pixka bat urrutiago dagoen puntu batetik abiatu, 10 km hegoaldera eginez gero, ekialdera 10 km ibilita bira oso bat edo gehiago eginez meridiano bertan bukatuz, iparrerantz 10 km egin ondoren hasierako lekuan bukatuko luke, baina Antartidan ez dago hartzik!!!

4. Asmakizuna: Ni bakarrik nijoan Gorbeia aldera.

5. Asmakizuna: Bidaiaria azkar baino azkarrago masusta bat atera, ahora eraman eta jan zuen. Orduan erregeak haserre esan zion:
- Baina, zer egin duzu? Ez ziren jateko.
Bidaiariak horrela erantzun zion:
- Ez dago zertan kezkaturik. Zuk zeuk esan duzu bi masusta sartu dituzula, bata gorria eta beltza bestea; beraz, zorroan zein geratu den begiratzea besterik ez duzu.

5. ASMAKIZUNA

Bidaiari bat urrutiko lurralde batera iritsi zen eta atxilotu egin zuten. Erregeak heriotza zigorra ezarri zion, baina bere bizia salbatzeko honako hau proposatu zion:

-Zorro honetan bi masusta sartuko ditut , bata gorria eta bestea beltza eta bat aterako duzu; gorria ateratzen baldin baduzu bizia barkatuko dizut, baina beltza ateraz gero hil egingo zaitugu.

Bidaiaria ados zegoen baina konturatu zen erregeak tranpa egin ziola eta bi masusta beltz sartu zituela zorroan. Bidaiariak erregearen zintzotasuna zalantzan jartzen bazuen berehala hilko zuten, beraz, beste zer edo zer asmatu zuen bizia salbatzeko.

Zer egin zuen bidaiariak?

4. ASMAKIZUNA

Gorbeiara bidean zazpi atsorekin gurutzatu naiz. Atso bakoitzak zazpi zaku zeramatzan eta zaku bakoitzean zazpi arkume. Zenbat atso eta arkume zihoazen Gorbeiara bidean?

3. ASMAKIZUNA

Hartz batek 10 km egin ditu hegoalderantz, 10 km ekialderantz eta 10 km iparralderantz, hasierako lekura itzuliaz. Zein koloretakoa de hartza?

2. ASMAKIZUNA

Esan pertsona baten izena, Carlos izenaren letra bat bera ere ez duena.

( Atzerriko izenak ere izan daitezke eta Interneten bidez bila daitezke)

1. ASMAKIZUNA

Lau katuk lau sagu ehizatzen dituzte lau minututan. Zenbat denbora beharko dute ehun katuk ehun sagu harrapatzeko?

GABONETAKO LEHIAKETA

Iaz bezala lehiaketa batean parte hartzea proposatzen dizuegu:
5 asmakizun jarriko ditugu eta horien erantzunak iruzkinetan idatzi beharko dituzue.
Abenduaren 22an proba guztiak erantzun dutenen artean sari batzuk zozketatuko ditugu.
ADI IBILI ! Laster hasiko baikara asmakizunak jartzen.