6.MAILAKO BAT OPORRETAN

Kaixo, lagunok!

Ezetz asmatu nor dagoen buruhandiaren azpian?

Pista bat emango dizuet: askotan joaten gara gure kanpinera.

Agur.

6.B-ko ikasle bat

MERTXE ZUBI ESEKIAN

Oporretako argazkietatik hauxe aukeratu dut zuei erakusteko. Eguraldi tristea egiten zuen egun batean Bizkaia aldera joan nintzen. Ezagutzen al duzue Bizkaiko zubi hau?

Oporrak bukatzear daudenez, laster arte!

Musuak denontzat eta gogoz etorri, eeeeee?

ADA HENDAIAN

Kaixo:

Udako opor hauetan ateratako argazkien artean, azkena bidaltzen dizuet. Hendaiatik ibili naiz, hondartzan eta mendiko bideetan. Oso alde polita da eta gauza asko daude ikusteko.

Nire atzean agertzen den gaztelua Abbadiekoa da. Ez dakit barruan mamuren bat dagoen, baina hor egonez gero oso ondo bizi da.
Laster arte.

ADA

JOYCE ASPALDIKO YUGOSLABIAN

Epa lagunok:

Zer moduz igaro dituzue opor luuuuze horiek? Nik berebiziki ongi, jakinminak asebetuz uztaila osoan zehar.

Veneziatik abiatuz Slovenia, Kroazia, Bosnia, Montenegro eta Albaniako lurraldeak zeharkatu eta behatu ditugu udako bidaia honetan. Ikus dezakezuen argazki honetan Mostarreko (Bosnia) erdi aroko zubia agertzen da. 1993an Serbiarrek leherrarazi zuten musulmandar eta katolikoar auzoak lotzen zuen lokarria desagertaraziz. 5000 bat musulmandar erahilak izan ziren eta bere auzoa zeharo birrinduta geratu zen. Antzerakoa gertatu zen Sarajebo eta Sebrenijan. Sarrazki hauen errudunetako bat orain gutxi atxilotua izan den Radoban Karadzic da. Gaur egun zubia berrereikia dago. Han bertan grinaz eta itxaropenez Egañaren aspaldiko bertso hau abestu genuen han bertan bildu ginen euskaldun talde batekin:

Bosniatarrak gaur entzun degu

Zuen oihu hitz larria

Pakea sarri hutsa da baina

Gerra beti izurria.

Ia betiko sendotzen degun

elkartasun lokarria.

nago pentsatzen jarria

ez ote den pozgarria

loratu zuen irria.

Gu gera zuen sendia eta

zuen lur zola berria,

bat gustora non aurkitzen den han

bait du bere aberria,

bait du bere aberria.

ANE OROPESAN

Kaixo:
Abuztuaren 1-etik 15-era Oropesan egon nintzen oporretan.
Han hondartzan eta igerilekuan bainatu nintzen, "akuapark" batera joan nintzen, taularekin olatuak hartzen nituen ... Argazkia itsasargi ondotik aterata dago eta nire atzean herria eta itsasoa ikusten da.
Oso ondo pasa nuen nire familia eta lagunekin, gainera ia egun guztietan eguraldi ona egin zuen.

Ane Benito.

XABI ITALIAN

Kaixo!

Hemen gaude ni eta nire familia Erromako Koliseoan. Oso ondo pasatu genuen. Koliseoko gidak istorio asko kontatu zizkigun, adibidez, itsasontzien borrokak ere egiten zituztela bertan. Ikuskizunek sei ordu inguru irauten zuten, eta emakumeak zutik egon behar ziren denbora osoan.

Irailean ikusiko gara!

Xabi I.

ITZIAR, NEREA ETA ADA LAUAXETAN

Kaixo berriro,

Uztailaren 11tik 20ra arte Lauaxetako udalekuan egon ginen Nerea, Itziar eta hirurok. Oso ondo pasatu genuen: jolasak, txangoak eta oso monitore majuak izan genituen. Orokorrean oso esperientzia ona izan zen. Hemen duzue argazki bat. Abuztuan hondartzara joango naiz eta beste argazki bat bidaliko dizuet, azkena, ez nekatzeko. Ea jendea argazkiak bidaltzera animatzen den, ze oporaldiaren erdia bete egin dugu.

Musu bat guztiei.

KARMELE EXPO-ZARAGOZAN

Egun hauetan Zaragozan ibili naiz lagun batzuekin eta hiria ezagutzeaz gain Expo-Zaragoza bisitatu dut.
Expo-Zaragozako sarreran atera didate argazki hau eta atzean agertzen den pertsonaia Fluvi da, hango maskota. Ura munduko leku eta pertsona guztietara ailegatzea da bere betebeharra. Hemen klikatzen baduzue Fluvirekin jolasteko aukera izango duzue.

Karmele

ADA LANDEETAN

Kaixo,

Zer moduz oporretan?? Ondo espero dut. Landeetako kanpin polit batean egon ginen asteburu batean eta gauean zarata berezi bat hasi ginen entzuten. Begiratu genuen eta hor zegoen TRIKU bat. Ezin genuen hartu eskuekin pintxoak direla eta, baina plater hegalari batekin bai harrapatu genuela. Hona hemen froga, argazkian. Besterik gabe, ondo pasa oporrak eta irailera arte.

Agur bero bat,

Ada H.

BIDALI ARGAZKIAK

Hurrengo post-etan gure oporretako argazki bilduma egin nahi dugu. Horretarako, zu agertzen zaren oporretako argazki bat bidali helbide honetara :

mertxekarmele@gmail.com

Argazkiarekin batera bidali idatzi bat esanez nor zaren eta non atera duzun.
Ez badakizu nola erabiltzen den posta elektronikoa eskatu laguntza gurasoei edo dakien norbaiti.



En los siguiente post-s queremos hacer un album sobre nuestras vacaciones. Para ello puedes mandarnos una foto que hayas sacado durante las vacaciones y en la que aparezcas tú a la siguiente dirección electrónica:

mertxekarmele@gmail.com

Junto con la foto escribe diciendonos quién eres y dónde has sacado dicha fotografía.
Si no sabes utilizar el correo electrónico pide ayuda a tu madre, padre, tía/o , vecina/o ...